ཅི་ཞིག་ལ་མ་ལས་འགོ་མཆེད་ཟེར་

དྲི་བ།ཅི་ཞིག་ལ་མ་ལས་འགོ་མཆེད་ཟེར། དྲིས་ལན། མ་ལས་འགོ་མཆེད་དམ་རྒྱ་སྐད་དུ母婴传播ཟེར་བ་ནི་ཨ་མ་ལ་ཨེ་ཛིའི་ནད་དུག་འགོས་ཡོད་ན།མ་བུ་བདེ་ཕྲལ་གྱི་སྨན་བཅོས་མ་བྱས་ཚེ། ཨ་མར་མངལ་ཆགས་པ་དང་ཕྲུ་གུ་སྐྱེ་བ། འོ་མ་སྣུན་པ། ཟ་མ་ཁ་ཡིས་བལྡད་དེ་སྟེར་བ་སོགས་ཀྱི་སྐབས་སུ་ཕྲུ་གུ་ལ་འགོ་མཆེད་བྱེད་བཞིན་ཡོད་པ་དེར་ཟེར།འཛམ་གླིང་འཕྲོད་བསྟེན་ཚོགས་པས་ཞིབ་འཇུག་བྱས་པ་ལྟར་ན། ཨེ་ཛི་བྱུང་ནས་ད་བར་ཏུ་འཛམ་གླིང་གི་བྱིས་པ་ཁྲི༣༠༠ལྷག་ཨེ་དུག་དང་ཨེ་དུག་དང་འབྲེལ་བའི་ནད་ངན་གྱིས་ཤི་ཟིན་ལ།ད་རུང་བྱིས་པ་ཁྲི་༡༠༠ལྷག་ཨེ་དུག་གིས་བཟུང་ཡོད་ཟེར་ལ། ཁོང་ཚོ་ཚང་མ་མ་ལུས་འགོ་མཆེད་ལས་འགོས་པ་རྐྱང་རྐྱང་ཡིན་པར་བཤད།མིག་སྔར་ཞིབ་འཇུག་བྱས་པ་ལྟར་ན་ཀྲུང་གོ་རྒྱལ་ཁབ་ཀྱི་བདེ་ཕྲལ་མ་བྱས་སྔོན་གྱི་འགོ་ཚད༣༣%ཡིན་ལ།ནད་དུག་ཅན་གྱི་བུས་པ༨༠%ནི་ནུ་མ་ནུ་བའི་གོ་རིམ་ཁྲོད་འགོས་པ་རེད་ཟེར། སྤྱིར་མི་སུ་ཞིག་ཡིན་ནའང་ཕྲུ་གུ་སྐྱེ་བའི་དབང་ཆ་ཡོད་རུང་།ཨེ་དུག་ཅན་གྱི་ཨ་མས་ཕྲུ་གུ་མ་སྐྱེས་ན་བཟང་། རྒྱུ་མཚན་ལ་གསུམ་ཡོད་དེ། གཅིག་ན།ཉེས་མེད་ཀྱི་བུ་ཆུང་སྐྱེས་མ་ཐག་ནས་ནད་པ་ཡིན་པའི་ཉེན་ཁ་ཡོད་ལ། དེ་ལྟར་ཡིན་ན་བྱིས་པ་དེས་སྨན་མ་འཐུང་བ་ཡིན་ཚེ།ཚེ་ཚད་ཅི་ལྟར་རིང་རུང་ལོ་དྲུག་ཙམ་ཡིན། དེ་ནས་ཡང་དཀའ་སྡུག་མང་པོ་ཞིག་མྱངས་ཏེ་ཕྱི་མའི་ཡུལ་ལ་འགྲོ་དགོས། གཉིས་ན། ཕ་མ་དག་མི་རིང་བར་འཇིག་རྟེན་འདིར་བྲལ་སོང་ན། དྭ་ཕྲུག་བདག་མེད་ཅིག་ལ་གཞན་གྱིས་མཐོང་ཆུང་དང་དམའ་འབེབ་བྱེད་ཉེན་ཡོད།གསུམ་ན། བརྒྱ་ལ་ཕྲུ་གུར་ཨེ་དུག་འགོས་མེད་རུང་། ཁོའམ་ཁོ་མོའི་སློབ་སྦྱོང་དང་ལས་ཞུགས།མ་འོངས་པའི་འཚོ་བ་སོགས་གང་ཅིའི་ཐད་ནས་གཞན་པའི་བྱིས་པ་ལས་དཀའ་སྡུག་མང་པོ་ཞིག་མྱོང་དགོས་ཀྱི་ཡོད་པས་ཕྲུ་གུ་དག་ལ་བསམ་བློ་བཏང་ཞིང་རབས་ཡིན་ན་མ་སྐྱེས་ན་དགའ་སྙམ་གྱི་ཡོད།བརྒྱ་ལ་སྐྱེས་དགོས་ཚེ།ངེས་པར་ཏུ་ཚད་ལྡན་གྱི་འབྲེལ་ཡོད་སྨད་ཁང་དུ་ཕྱིན་ཏེ་མ་བུ་བདེ་ཕྲལ་བྱ་རྒྱུ་གལ་ཆེ།