ངེས་བསྟན་གྱི་རྒྱན་གཉིས་

ངེས་བསྟན་གྱི་རྒྱན་གཉིས།

དོན་རྒྱན་སུམ་ཅུ་སོ་ལྔའི་ནང་གསེས་སུམ་ཅུ་པ་ངེས་བསྟན་གྱི་རྒྱན་ནི་འཇིག་རྟེན་ལ་གྲགས་པའི་ངེས་པ་སྟོན་བྱེད་དཔེའི་དངོས་པོ་འགའ་ཞིག་གིས་དེ་དང་ཕྱོགས་མཚུངས་པའི་ངེས་པ་བསྟན་བྱ་དཔེ་ཅན་གྱི་དངོས་པོ་འགའ་ཞིག་ལ་འབྲས་བུ་ཕན་གནོད་གང་རུང་སྟེར་བ་མཚོན་པར་བྱེད་པའི་རྒྱན་ཞིག་སྟེ།  དེའི་ནང་གསེས་རྣམ་གྲངས་གཉིས་ནི་མཆོག་གི་ངེས་བསྟན་དང་མཆོག་མིན་ངེས་བསྟན་ནོ །

༼དུང་དཀར་ཚིག་མཛོད་ཆེན་མོ་༽ནས་བཏུས།