ངག་གི་ལས་ཡོངས་སུ་དག་པ་བརྒྱད་

ངག་གི་ལས་ཡོངས་སུ་དག་པ་བརྒྱད།

༡བདེན་པའི་རྗེས་སུ་འབྲངས་པའི་ངག་གིས་ལས་ཡོངས་སུ་དག་པས་ཇི་སྐད་སྨྲ་བ་དེ་བཞིན་བྱེད་པ། ༢ འཁོར་ཟིལ་གྱིས་གནོན་པས་གཟུང་བར་འོས་པའི་ཚིག་དང་འགལ་བར་མི་བྱེད་པས་བླང་བར་འོས་པའི་ཚིག ༣མི་བརླང་བས་སྙན་ཅིང་འཇམ་པའི་ཚིག ༤ལུས་དང་སེམས་ཚིམ་པར་བྱེད་པས་ཀ་ལ་པིང་ཀའི་སྒྲ་སྐད་ལྟ་བུ། ༥སེམས་ཅན་སྡུད་པས་ཚིག་སྙན་པ། ༦སྒྲ་ཐམས་ཅད་ཟིལ་གྱིས་གནོན་པས་ཚངས་པའི་སྒྲ་ལྟ་བུ། ༧་ཕས་ཀྱི་རྒོལ་བ་ཐམས་ཅད་ཀྱིས་ཟིལ་གྱིས་མི་ནོན་པས་སེངྒེ་འགྱིང་བའི་སྒྲ་ལྟ་བུ། ༨ སེམས་ཅན་ཐམས་ཅད་ཀྱི་དབང་པོ་ཡོངས་སུ་ཚིམ་པར་བྱེད་པས་སངས་རྒྱས་ཀྱི་གསུང་ངོ་།

༼དུང་དཀར་ཚིག་མཛོད་ཆེན་མོ་༽ནས་བཏུས།