གོ་ཆ་

གོ་ཆ་ནི་ལམ་ཐམས་ཅད་ཤེས་པ་ཉིད་ཀྱི་སྒྲུབ་ཐབས་སུ་བྱང་ཆུབ་སེམས་དཔའ་རྣམས་ཀྱིས་སེམས་ཅན་གྱི་དོན་དུ་ལག་ལེན་འཁྱེར་བའི་ལམ་གྱི་ཐབས་དང་། སེམས་བསྐྱེད་ཀྱི་ཁུར་བཀུར་བའི་ཚུལ་བརྗོད་པའི་ཐ་སྙད་ཅིག་ཡིན།

སྒྲ་བཤད།

གོ་ཆ་ཞེས་པ་ནི་གོ་བའི་ཆ་ཤས་ཤིག་སྟེ། བྱང་ཆུབ་སེམས་དཔའི་ལམ་ལ་འཇུག་པའི་སྐབས་སུ་ཆོས་ཉིད་ལ་ངེས་ཤེས་ཀྱི་གོ་ཆ་དང་། སེམས་ཅན་གྱི་དོན་སྒྲུབ་པའི་ཕྱིར་ལེན་པའི་ཁུར་གྱི་གོ་ཆ་བཅས་སུ་དབྱེ་བར་ཡོད། སྤྱིར་གོ་ཞེས་པ་ནི་གོས་དང་གོ་ས་སོགས་བགོ་བའི་དོན་ཡིན་ལ། ཆ་ཞེས་པ་ནི་ཆ་ཤས་སམ་ཁུར་ལ་གོ

ངེས་ཚིག

ཆོས་ཀྱི་དབྱིངས་ཀྱི་རང་བཞིན་གྱི་གོ་ཆ། "ཆོས་ཀྱི་དབྱིངས་ཀྱི་རང་བཞིན་ལ་རྗེས་སུ་ཞུགས་པའི་ཐོས་པ་ལ་སོགས་པའི་ཤེས་རབ་ཀྱི་སྒོ་ནས་གཟུགས་ལ་སོགས་པའི་ཆོས་ཐམས་ཅད་ལ་མངོན་པར་ཞེན་པའམ་ཆགས་པ་མ་ལུས་པ་གཅོད་པར་བྱེད་ཅིང་། ཤེས་བྱའི་ཆོས་ཀུན་ལ་བདེན་ཞེན་གྱིས་ཆགས་པའི་རྣམ་པར་རྟོག་པ་ས་བོན་དང་བཅས་པ་ཡོངས་སུ་སྤངས་ཏེ་ཟད་པར་འདོད་པ་དང་། མཐར་གྱིས་རྒྱལ་བ་རྣམས་ཀྱི་བྱང་ཆུབ་ཆེན་པོ་ཆགས་པ་མེད་པར་གྱུར་པ་ལ་རེག་པ་"ཞེས་གསུངས།

སེམས་ཅན་གྱི་དོན་གྱི་གོ་ཆ། "བྱང་སེམས་རྣམས་ཀྱིས་སེམས་ཅན་གྱི་དོན་དུ་བྱ་དཀའ་བའི་གོ་ཆ་གྱོན་པ་ནི་བྱ་བ་སྒྲུབ་དཀའ་བ་ལ་ཡང་འཇུག་པར་བྱེད་པ་ཡིན་གྱི། རང་གི་ཕུང་པོ་ལྔ་དང་ཁམས་བཅྭོ་བརྒྱད་དང་སྐྱེ་མཆེད་བཅུ་གཉིས་ལྟ་བུ་སྲུང་བའི་ཆེད་དུ་མིན་ནོ། །"ཞེས་པ་བཞིན།

ནང་དོན།

གསེང་གོ་ཆ་དྲུག་གི་གོ་ཆ། ཞེར་ཕྱིན་དྲུག་གི་གོ་ཆ་སྟེ། "གཏོང་བ་ཆེ་བ་དང་ལྡན་པ་སྦྱིན་པའི་གོ་ཆ་དང་། འཆལ་ཚུལ་སྤོང་བའི་སེམས་པའམ་བློ་ཆེ་བ་ཚུལ་ཁྲིམས་ཀྱི་གོ་ཆ་དང་། བཟོད་པ་སོགས་གཞན་བཞིའི་གོ་ཆ་དང་ལྡན་པས་འཁྲུགས་པའི་སེམས་སོགས་རང་རང་གི་མི་མཐུན་ཕྱོགས་འཇོམས་པའི་མཐུ་ཆེ་བ་དང་། རྒྱལ་བ་རྣམས་ཀྱི་ཐེག་པ་ཆེན་པོ་མཆོག་ལ་སེམས་བསྐྱེད་པ་ནས་རྣམ་མཁྱེན་བར་གྱི་ལམ་འབྲས་བུ་དང་བཅས་པ་ལ་ཞུགས་པ་དང་ལྡན་པ་སྟེ།" ཞེས་གསུངས།

བྱང་ཆུབ་སེམས་དཔའི་སྤྱོད་ལམ་གྱི་གོ་ཆ། གང་ཟག་དམ་པ་རྣམས་ཀྱི་ལམ་གྱི་སྤྱད་པ་སྟེ། "འདི་ནི་ཐེག་པ་ཆེན་པོའི་གང་ཟག་དམ་པ་རྣམས་ཀྱི་གོ་ཆ་མཆོག་བགོས་པ་ཡིན་ནོ། །"ཞེས་གསུངས།

མི་འཇིགས་པའི་གོ་ཆ། སྒྱུ་མ་ལྟ་བུའི་སེམས་ཅན་གྱི་དོན་བྱེད་པ་ལ་སྐྲག་པ་མེད་པའི་ཚུལ་ལ། "དཔེར་ན་སྒྱུ་མ་མཁན་གྱིས་ལམ་པོ་ཆེའི་བཞི་མདོར་སྐྱེ་བོའི་ཚོགས་ཆེན་པོ་སྤྲུལ་པར་བྱས་ཏེ། སྒྱུ་མས་སྤྲུལ་པའི་སྐྱེ་བོ་ཕལ་མོ་ཆེ་གཅིག་གིས་གཅིག་མགོ་མང་པོ་བརྒྱ་འམ་སྟོང་ངམ་བྱེ་བ་ལ་སོགས་པ་ཇི་སྙེད་ཅིག་གཅོད་པར་བྱེད་པའི་ཚོགས་རྣམ་པར་སྤྲུལ་ཀྱང་། སྒྱུ་མའི་སྐྱེས་བུ་དེ་དག་བསད་བྱ་དང་གསོད་བྱེད་དེ་དག་ལ་བསད་བྱའི་རྣམ་པར་རྟོག་པ་དང་། སྡིག་པ་མེད་པ་ཅི་འདྲ་བ་དེ་བཞིན་དུ་བྱང་ཆུབ་སེམས་དཔས་ཀྱང་། འགྲོ་བ་ཀུན་སྒྱུ་མ་ལས་སྤྲུལ་པ་དང་འདྲ་བར་ཤེས་པས་དོན་བྱེད་པ་དེ་ལ་འཇིགས་ཤིང་སྐྲག་པ་མེད་དོ། །"ཞེས་གསུངས།

དབྱེ་བ།

སེམས་ཅན་ལ་ཕན་པའི་གོ་ཆ། འགྲོ་བའི་སྐྱབས་དང་དཔུང་གཉེན་ཞེས་པ་ལ་སོགས་པའི་གོ་ཆ་དུ་མར་དབྱེ་ཞིང་། "འགྲོ་བའི་སྐྱབས་དང་དཔུང་གཉེན་དང་གནས་དང་རྟེན་དང་གླིང་དང་ཡོངས་འདྲེན་དང་དོན་འདོད་པ་དང་གསལ་བྱེད་ཀྱི་སྒྲོན་མ་དང་ཆོས་ཀྱི་མཆོག་སྨྲ་བ་དང་མི་འཁྲུགས་པ་ཡིན་ཏེ། རིམ་པ་བཞིན་དུ་སེམས་ཅན་གྱི་དོན་བྱེད་པ་དང་ཕན་པའི་གཞི་དང་སྡུག་བསྔལ་གྱི་རྒྱུ་སེལ་བ་དང་སངས་རྒྱས་ཀྱི་རྒྱུ་དང་། མཐའ་གཉིས་སྤངས་པ་དང་ལམ་བཟང་པོར་འཁྲིད་པ་དང་འདོད་དོན་སྒྲུབ་པ་དང་བླང་དོར་གསལ་བ་དང་ཆོས་ཀྱི་མཆོག་མྱང་འདས་སྨྲ་བ་དང་བདུད་སོགས་ཀྱིས་དཀྲུགས་པར་མི་ནུས་པའི་ཕྱིར་རོ། །"ཞེས་གསུངས།

ཕ་རོལ་ཏུ་ཕྱིན་པའི་གོ་ཆ། བྱང་ཆུབ་སེམས་དཔའི་ལམ་གྱི་ཞར་ཕྱིན་དྲུག་གི་གོ་ཆ་སྟེ། "གཏོང་བ་ཆེ་བ་དང་བློ་ཆེ་བ་དང་། ཤེས་རབ་དང་ལྡན་པ་དང་། མཐུ་ཆེ་བ་ནི་འཆལ་པ་དང་ཁོང་ཁྲོ་བ་དང་ལེ་ལོ་དང་གཡེང་བའི་དཔུང་འཇོམས་པ་ལ་དཔའ་བས་ན་ཚུལ་ཁྲིམས་ལ་སོགས་པ་བཞི་དང་ལྡན་པ་དང་།" ཞེས་འཆད།

ལམ་འབྲས་ཀྱི་གོ་རིམ།

ཐོག་མའི་སེམས་བསྐྱེད་ཀྱི་གོ་ཆ། "བྱང་ཆུབ་སེམས་དཔའ་ཞེས་པ་ནས། ཕྱིན་མཆོག་སྤྱོད་པ་ཡིན་ཞེས་པའི་བར་ལ། བྱང་ཆུབ་སེམས་དཔའ་གང་ཞིག་ཟབ་མོའི་དོན་ལ་རྨོངས་པ་དང་། དེས་བསྐྱེད་པའི་དགོས་པ་སྟེ་ཐེ་ཚོམ་མེད་པ་ཇི་ལྟར་གནས་པ་ལྟར། དེ་ལྟར་སྤྱོད་པའི་བློ་ཤེས་རབ་དང་ལྡན་པ་དེ། ཆོས་ཐམས་ཅད་ཀྱི་མཉམ་པ་ཉིད་ཀྱི་དོན་ལ་བློ་གནས་པར་བྱ་བ་གང་དུ་ཡང་མཉམ་ཞེ་ན། ཉོན་མོངས་པ་དང་རྣམ་བྱང་གི་ཆོས་རྣམས་སྣང་བདེན་གྱི་རང་བཞིན་མེད་པར་ཡོངས་སུ་ཤེས་པར་གྱུར་པ་འདི་ནི། གནས་ལུགས་ཤེས་རབ་ཀྱི་ཕ་རོལ་ཏུ་ཕྱིན་པ་མཆོག་ལ་སྤྱོད་པ་ཡིན་ནོ། །"ཞེས་གསུངས།