གསེར་ཌ་ལས་ཁུངས་

དེ་སྔ་ནས་བོད་ས་གནས་སྲིད་གཞུང་སྐབས་ལས་ཁུངས་ཤིག་སྟེ་། འདི་ནི་ཐོག་མར་བོད་རབ་བྱུང་བཅོ་ལྔ་པའི་ལྕགས་སྤྲེལ་（༡༩༢༠）ལོར་གསར་དུ་བཙུགས་ཤིང་། ལས་ཁུངས་ཚུགས་ཡུལ་ནོར་སྟོད་གླིང་ཁར་ཡིན་། འདི་ཐོག་མར་ཚུགས་སྐབས་ཀྱི་དོ་དམ་མི་སྣར་ཚ་རོང་ཟླ་བཟང་དགྲ་འདུལ་དང་། རྩེ་མགྲོན་ཕུན་རབ་པ་། ཟུར་ཁང་དབང་ཆེན་ཚེ་བརྟན་བཅས་བསྐོས་པ་དང་། ལས་བྱ་སེར་སྐྱ་ལྔ་ཙམ་ཡོད་། ལས་ཁུངས་འདི་བཙུགས་རྗེས་གསེར་ཌི་བོད་སྲང་ཉི་ཤུ་བྱས་པ་པར་རྒྱག་འགྲེམས་སྤེལ་བྱས་ཤིང་། ད་དུང་སྣམ་བུ་དང་། ཀམ་པཱ་ལི་འཐག་ལས་དང་། འཚེམ་འཁོར་ནང་འདྲེན་གྱིས་འཚེམ་བུའི་ལས་སྣོན་། གློག་ཁང་སྟབས་བདེ་འཛུགས་སྐྲུན་བཅས་བྱས་རྗེས་རིང་མིན་ལས་ཁུངས་ཁུ་བསྡུ་བྱས་།
༼དུང་དཀར་ཚིག་མཛོད་ཆེན་མོ་༽ལས་བཏུས།