གསེར་གྱི་རི་བདུན་

སངས་རྒྱས་ཆུས་ལུགས་ཀྱི་གཞུང་《མངོན་པ་མཛོད་ནས་》བཤད་ཚུལ་ལ་། རི་རྒྱལ་ལྷན་པོའི་མཐའ་བསྐོར་དུ་འཁོར་བའི་གསེར་རི་བདུན་ཡོད་པ་སྟེ་། ནང་ནས་ཕྱི་རོལ་དུ་རིམ་པ་བཞིན་། ༡、རིའི་རྩེ་མོ་གཉའ་ཤིང་གི་དབྱིབས་ལྟར་ཡོད་པའི་གཉའ་ཤིང་འཛིན་རི་། ༢、རིའི་རྩེ་མོ་གཤོལ་མདའི་དབྱིབས་ལྟར་ཡོད་པའི་གཤོལ་མདའ་འཛིན་རི་། ༣、རི་ཡི་རྩེ་མོ་སེང་ལྡེང་གི་ནགས་ཚལ་ཡོད་པའི་སེང་ལྡེང་ཅན་། ༤、རི་ཡི་རྩེ་མོ་བལྟ་ན་སྡུག་ཅིང་མཛེས་པར་ཡོད་པའི་ལྟ་ན་སྡུག་རི་། ༥、རི་ཡི་རྩེ་མོ་རྟ་ཡི་རྣ་བ་ལྟ་བུར་ཡོད་པའི་རྟ་རྣ་རི་། ༦、རི་ཡི་རྩེ་མོ་གུས་འདུད་ཞུས་པ་ལྟར་ཡོད་པའི་རྣམ་འདུད་རི་། ༧、རི་ཡི་རྩེ་མོ་འཁོར་ལོའི་མུ་ཁྱུད་ལྟ་བུར་ཡོད་པའི་མུ་འཁྱུད་འཛིན་རི་བཅས་བདུན་ཡོད་ཅིང་། གཉའ་ཤིང་འཛིན་རིའ་རྩེ་མོ་རི་རྒྱལ་ལྷུན་པོའི་ཕྱེད་ཀར་སླེབས་པའི་མཐོ་དམན་གྱི་བར་ཁྱས་ཡོད་ཅེས་བཤད་སྲོལ་ཡོད་།
༼དུང་དཀར་ཚིག་མཛོད་ཆེན་མོ་༽ལས་བཏུས།