གསང་སྔགས་གཟིམ་སྤྱིལ།

== གསང་སྔགས་གཟིམ་སྤྱིལ། ==
རྩེད་ཐང་གླིང་སྐོར་ལམ་ནས་ཚུར་འཁོར་མཚམས་སམ་རྩེད་ཐང་གྲོང་རྙིང་གི་ཤར་གླིང་ཁ་པའི་སྟེང་དུ་བཙུན་དགོན་དེ་ཆགས་ཡོད། ཐོག་མར་གནས་དེར་ཆོས་རྒྱལ་སྲོང་བཙན་སྐུ་མཚམས་སུ་བཞུགས་པས་གསང་སྔགས་གཟིམ་སྤྱིལ་ལམ། གསང་སྔགས་གཟིམ་སྦུག་ཅེས་ཀྱང་ཞུ། དེ་རྗེས་ས་སྐྱ་བླ་མ་བསོད་ནམས་རྒྱལ་མཚན་བཞུགས་ནས་ས་ལུགས་ཕྱག་བཞེས་གནང་། དེ་རྗེས་ཁམས་ནང་ཆེན་ནས་རྗེའི་དངོས་སློབ་བླ་མ་མཁྱེན་རབ་ངག་དབང་གྲགས་པ་ཕེབས་ནས་དགེ་ལུགས་ཕྱག་བཞེས་གནང་བས་ཆུ་ལྷོ་རྒྱུད་དུ་དགེ་ལུགས་པའི་བཙུན་དགོན་ཨང་དང་པོ་དེ་ཡིན་ཞེས་གསུངས། བཙུན་མ་ཞལ་གྲངས་ཉི་ཤུ་ལྷག་ཙམ་ཡོད། ད་ལྟ་ངག་དབང་བསྟན་འཛིན་ཚུལ་ཁྲིམས་བར་སྐུ་ཐོག་བརྒྱད་བྱུང་། མ་དགོན་དགའ་ལྡན་ཆོས་འཁོར་གླིང་ཡིན་ཀྱང་བླ་མ་ཇོ་དགོན་དེར་བཞུགས་དགོས། སྔོན་དགོན་དེའི་ཆོས་རྒྱལ་སྒྲུབ་ཕུག་ནང་སྐུ་གསུང་ཐུགས་བཅས་ཀྱི་རྟེན་ཡོད་པ་ལས་སྐུའི་རྟེན་དང་ཐུགས་ཀྱི་རྟེན་ནི་ད་ལྟའང་མཇལ་རྒྱུ་ཡོད།

ད་ལྟ་གསར་བཞེངས་འདུ་ཁང་ནང་ཆོས་རྒྱལ་གྱི་ཕྱག་བཟོ་ཕྱག་སྟོང་སྤྱན་སྟོང་གི་ཐུགས་ཀར་ཤེལ་གྱི་ཐུགས་རྗེ་ཆེན་པོ་མཐོ་གང་བ་དང་། ཕྱག་འཁར། གཞན་ཡང་སྐུ་བརྙན་གསར་བཞེངས་གནང་བ་སོགས་མཇལ་རྒྱུ་ཡོད།

གོང་པོ་རིའི་སྐོར་ལམ་ཤར་ངོས་སུ་ཇོ་དགོན་མཐོང་གྲོལ་མ་ཞེས་པའི་དགོན་ཤུལ་དང་། ཡང་དེའི་གཤམ་དུ་བན་ཚང་དགོན་གྱི་རི་ཁྲོད་གྲོ་སོ་དགོན་ཞེས་པའི་རྗེས་ཤུལ་ཡང་མཇལ་རྒྱུ་ཡོད།

Read more: https://web.archive.org/web/20141023095806/http://www.thlib.org/places/monasteries/publications/chosphel-book.php#!book=/lho-kha-gnas-yig/wb/b3/#ixzz32KRXNS00


--ཁང་གསར་ལྷག་པ་ཚེ་རིང་Kangsar LhakpaTsering ༠༦:༢༤, ༢༡ ཟླ་ལྔ་བ། ༢༠༡༤ (UTC)