གནོད་པའི་ཚོགས་

གནོད་པའི་ཚོགས་ཞེས་པ་ནི་སྤྱིར་འཁོར་བ་ཁྱད་པར་ངན་སོང་གི་སྡུག་བསྔལ་དང་འཇིགས་པ་དང་འཚེ་བ་ལ་སོགས་པ་གནོད་པའི་དངོས་པོ་སྣ་ཚོགས་པ་མང་པོ་ཞིག་ལ་གོ་ལ། དེ་དག་རབ་ཏུ་སྐྱེ་བ་དང་འཕེལ་བའི་རྒྱུའམ་ས་བོན་གཅིག་པུ་ཉིད་དུ་གྱུར་པའི་ཉོན་མོངས་པའི་དགྲ་བོ་དེ་རང་གི་སེམས་རྒྱུད་ལ་གནས་བཞུགས་པར་གསུངས།

ནང་དོན།

ཉོན་མོངས་པའི་གནོད་པའི་རང་བཞིན་ཞེས་པ་ནི་ཉོན་མོངས་པའི་དགྲ་བོས་སེམས་ཅན་ལ་སྐྱེལ་བའི་གནོད་པའི་ཚོགས་རྣམས་ལ་གོ་དགོས་ཏེ། དཔེར་ན། "གནོད་པའི་ཚོགས་ཇི་སྙེད་ཅིག་ཡོད་པ་དེ་ཐམས་ཅད་རབ་ཏུ་སྐྱེ་བ་དང་འཕེལ་བའི་རྒྱུའམ་ས་བོན་གཅིག་པུ་ཉིད་དུ་གྱུར་པའི་ཉོན་མོངས་པའི་དགྲ་འདི་དག་"ཅེས་གསལ་བཤད་བྱས་འདུག

དགྲ་གཞན་དང་འདྲ་མིན་གྱི་ཁྱད་པར་དགྲ་གཞན་ནི་བསྟེན་ན་ཕན་འདོགས་ཀྱང་ཉོན་མོངས་འདི་ནི་གང་གིས་བསྟེན་པ་དེ་ཕུང་བར་བྱེད་པས། འགྲེལ་ཆེན་ལས། "དེ་ལྟར་ཡུན་རིང་རྒྱུན་ཆགས་དགྲར་གྱུར་པ། །གནོད་པའི་ཚོགས་རབ་འཕེལ་བའི་རྒྱུ་གཅིག་བུ། །བདག་གི་སྙིང་ལ་ངེས་པར་གནས་འཆའ་ན། །འཁོར་བར་འཇིགས་མེད་དགའ་བར་ག་ལ་འགྱུར། །"ཞེས་གསུངས་སོ། །

སྙིང་ལ་གནས་པའི་ཚུལ་འདི་དག་ནི་སེམས་ཅན་གྱི་སྙིང་ལ་གནས་ཏེ་འགྲོ་བའི་གནོད་པ་སྐྱེད་པ་ཡིན། "དེ་ལྟར་ཡུན་རིང་པོ་ཐོག་མ་མེད་པ་ནས་རྒྱུན་ཆགས་སུ་དགྲར་གྱུར་པ་སྡུག་བསྔལ་ལ་སོགས་པའི་གནོད་པའི་ཚོགས་ཐམས་ཅད་རབ་ཏུ་འཕེལ་བའི་རྒྱུ་གཅིག་པུ་ཟླ་མེད་པ་བདག་གི་སྙིང་ལ་ངེས་པར་གནས་འཆའ་ཞིང་རྟེན་ན་འཁོར་བར་འཇིགས་པ་མེད་པ་དང་ཡིད་དགའ་བར་ག་ལ་འགྱུར་བདེ་བའི་སྐབས་མེད་"པར་གསུངས་སོ། །

སྡུག་བསྔལ་གྱི་རྒྱུ་གཅིག་པུ་ཞེས་པའི་ངོ་བོ་ནི་སེམས་ཅན་དམྱལ་བ་ལ་སོགས་པའི་སྡུག་བསྔལ་གྱིས་གནོད་པ་ཇི་སྙེད་པ་དེ་སྐྱེ་བའི་རྒྱུ་གཅིག་པུ་ཉིད་ཡིན། "གནོད་པ་ཞེས་པ་ཡིན་ཏེ། སེམས་ཅན་དམྱལ་བ་ལ་སོགས་པའི་སྡུག་བསྔལ་གྱིས་གནོད་པ་ཇི་སྙེད་པ་རྣམས་ཏེ། དེ་སྐྱེ་བའི་རྒྱུ་གཅིག་པུ་ཁོ་ནའི་སྙིང་ལ་ལེགས་པར་གནས་བཅས་པ་དེ་དག་ཉིད། ཡོད་ན་འཁོར་བར་བདག་འཇིགས་པ་མེད་དེ་འཇིགས་པ་དང་བྲལ་ཞིང་དགའ་བར་ག་ལ་འགྱུར་ཏེ། མི་རིགས།" ཞེས་གསུངས།

བསྡུས་དོན།

གནོད་པའི་ཚོགས་ཞེས་པ་ནི་སྤྱོད་འཇུག་གི་ནང་དུ་གསུངས་པའི་གལ་ཆེའི་ཐ་སྙད་ཅིག་ཡིན། འདི་ནི་སེམས་ཅན་རྣམས་ཀྱིས་འཁོར་བའི་ནང་དུ་མྱོང་བའི་སྡུག་བསྔལ་དང་གནོད་པའི་རྣམ་པ་སྣ་ཚོགས་པའི་ཚོགས་པ་ལ་གོ། འདི་དག་གི་རྒྱུ་གཅིག་པུ་ནི་ཉོན་མོངས་པ་རང་གི་སེམས་ལ་གནས་པ་དེ་ཡིན། འདི་ནི་དུས་ཡུན་རིང་པོ་ཐོག་མ་མེད་པ་ནས་རྒྱུན་ཆགས་སུ་གནས་ཏེ་རང་གཞན་ལ་གནོད་པ་སྐྱེལ་བར་བྱེད། དེས་ན་སེམས་ཅན་རང་སོ་སོས་ཉོན་མོངས་པ་འདི་འཇོམས་ཏེ་འཁོར་བའི་སྡུག་བསྔལ་ལས་ཐར་བར་འདོད་ན་སེམས་རྒྱུད་ལ་གནས་པའི་ཉོན་མོངས་པ་དེ་ལ་དགྲ་བོར་ལྟ་ཞིང་དེ་དག་ཞི་བར་བྱ་དགོས་པ་གསུངས།