ཁྲེ་ཙེ་དགེ་བཤེས་བརྩོན་འགྲུས་གྲགས་པ་

ཁྲེ་ཙེ་དགེ་བཤེས་བརྩོན་འགྲུས་གྲགས་པ་ ཁོང་གི་འཁྲུངས་འདས་ཀྱི་ལོ་ཚིགས་མི་གསལ། འཁྲུངས་ཡུལ་ནི་ཕྱག་རྡོ་ཐང་གི་ཁྲེ་ཙེ་སྡེ་བ་ཡིན། ཁོང་སྐུ་འབུམ་དཔལ་ལྡན་བཤད་སྒྲུབ་གླིང་གི་ཆོས་སྒོར་ཞུགས་ཏེ་འཛིན་གྲྭ་མས་རིམ་གྱིས་གཞུང་བཀའ་པོད་ལྔ་ལ་སྦྱངས་པ་ལེགས་པར་མཐར་ཕྱིན་ཏེ་ཆོ་འཕྲུལ་སྨོན་ལམ་རབ་འབྱམས་པའི་མིང་བཏགས་འཛིན། ཆེ་ཤོས་ངག་དབང་བཤད་སྒྲུབ་བསྟན་པའི་ཉི་མའི་མདུན་ནས་བསྙེན་རྫོགས་བསྒྲུབས། བླ་མ་གཞུང་ལས་པ་ཡང་ལོ་ཁ་ཤས་མཛད། དེ་ནས་ཆེ་ཤོས་བློ་བཟང་བྱང་ཆུབ་བསྟན་པའི་སྒྲོན་མེའི་ཡོངས་འཛིན་མཛད་ཅིང་ཆེ་ཤོས་སྒར་བར་བཞུགས། རབ་བྱུང་བཅུ་བཞི་པའི་ས་ཕོ་རྟ་ལོ་སྟེ་སྤྱི་ལོ 1858 ལོར་དུས་འཁོར་དཔོན་སློབ་ཀྱི་ཁྲི་ལ་བཞུགས། རབ་བྱུང་བཅུ་བཞི་པའི་ས་མོ་ལུག་ལོ་སྟེ་སྤྱི་ལོ 1859 ལོར་སྨན་པ་དཔོན་སློབ་ཀྱི་ཁྲི་ལ་བཞུགས་ཤིང་ཆོས་སྲིད་གཉིས་ཀྱི་སྒོ་ནས་འཆད་ཉན་གྱི་ཞབས་འདེགས་ལེགས་པར་མཛད། ཁྲི་ཟུར་ནས་འདུ་བྱས་ཀྱི་དགེ་ཆོས་ཐུགས་དམ་ཞལ་འདོན་གྱི་རིམ་པ་ལ་འབད་མུས་སུ་ཞི་བར་གཤེགས་སོ། ཁོང་ནི་སྐུ་འབུམ་དུས་འཁོར་དབོན་སློབ་ཀྱི་ཁྲི་རབས་བཅུ་དྲུག་པ་དང་། རྒྱུད་པ་མཁན་པོའི་ཁྲི་རབས་བཞི་བཅུ་ཐམ་པ་ཡིན་ནོ།།