ཁྲི་གཉན་གཟུགས་བཙན་

ཁྲི་གཉན་གཟུགས་བཙན་ ཁོང་ནི་སྤྱི་ལོའི་དུས་རབས་བཞི་པའི་དུས་སྨད་ཙམ་དུ་ཡབ་རྒྱལ་པོ་ལྷ་ཐོ་ཐོ་རི་གཉན་བཙན་དང་། ཡུམ་གནོ་བཟའ་མང་མོ་རྗེ་ཇི་དགོས་གཉིས་ཀྱི་སྲས་སུ་སྐུ་འཁྲུངས། ཁོང་གི་སྐུ་བོན་ནི་ཁུའི་མང་སྒྲ་ལེགས་པས་མཛད། བཙུན་མོ་འབྲོ་བཟའ་དུང་པྱང་བཞེར་ཁབ་ཏུ་བཞེས་ཏེ་རིགས་སྲས་འབྲོང་གཉན་ལྡེའུ་སྐུ་འཁྲུངས། ཁོང་གི་བང་སོ་དོན་མཁར་མདའ་རུ་བརྩིགས། དེ་ཡང་ཕུལ་མེད་ས་ཕུང་བརྡལ་བ་འདྲའོ། ། 《ལེགས་བཤད་རིན་པོ་ཆེའི་གཏེར་མཛོད》ལས་ཁོང་གི་ “སྐུ་གཤེན་ཞང་ཞུང་ཚ་ལ་རྒྱུང་” གིས་མཛད་པ་གསུངས་སོ།།