ཁུ་ཡུག་བྱམས་པ་དར་རྒྱས་

ཁུ་ཡུག་བྱམས་པ་དར་རྒྱས་ ཁོང་ནི་སྤྱི་ལོའི་དུས་རབས་བཅུ་དྲུག་པའི་དུས་མཇུག་ཙམ་དུ་སྐྱོར་མོ་ལུང་ལ་སྐུ་འཁྲུངས། ཁོང་དགུང་ལོ་ཆུང་ངུའི་དུས་ནས་རྭ་སྟོད་དགོན་པའི་ཆོས་གྲྭར་ཞུགས་ཏེ་མདོ་སྔགས་རིག་གནས་དང་བཅས་པར་སྦྱངས་པ་དཔྱིས་ཕྱིན་པ་མཛད་ཅིང་མཁས་པ་ཆེན་པོར་གྱུར། རབ་བྱུང་བཅུ་གཅིག་པའི་ཐོག་མ་མེ་མོ་ཡོས་ལོ་སྟེ་སྤྱི་ལོ 1627 ལོར་སྡེ་བ་ཆོས་རྗེ་བསྟན་འཛིན་བློ་བཟང་རྒྱ་མཚོས་བྱ་ཁྱུང་དགོན་ནས་དུས་འཁོར་དབང་ཆེན་དང་། བདེ་མཆོག་དྲིལ་བུ་ལུས་དཀྱིལ་གྱི་དབང་། སྔགས་རིམ་ཆེན་མོའི་ལུང་གནང་པའི་སྐབས་སུ་ཁུ་ཡུག་བྱམས་པ་དར་རྒྱས་ཁོང་ནི་བྱ་ཁྱུང་དགོན་པའི་གདན་སའི་མཁན་ཁྲི་ལས་ཐོག་པ་ཡིན། ཁོང་ནི་བྱ་ཁྱུང་དགོན་པའི་གདན་སའི་མཁན་རབས་བཅུ་པ་ཡིན་ནོ།།