ཀློག་སྐྱ་གཞོན་ནུ་འབར་བ་
ཀློག་སྐྱ་གཞོན་ནུ་འབར་བ་ ཁོང་ནི་མར་པ་དོ་བ་ཆོས་ཀྱི་དབང་ཕྱུག་(1042—1136)དང་དུས་མཉམ་ཡིན། ཁོང་གིས་ཐོག་མར་བོད་ཡུལ་ནས་སློབ་གཉེར་མཛད་ཅིང་། དེ་ནས་ཁ་ཆེ་དང་། བལ་ཡུལ། རྒྱ་གར་སོགས་སུ་ཕེབས་ཏེ་པཎ་གྲུབ་མང་པོའི་ཞབས་ལ་གཏུགས་ཤིང་རྒྱ་གཞུང་དང་རྒྱ་ཡིག་བཅས་ལ་སྦྱངས་པ་དཔྱིས་ཕྱིན་པ་མཛད་ནས་བསྟན་བཅོས་དུ་མ་བོད་ཡིག་ཏུ་བསྒྱུར་བ་མཛད། ཁོང་གི་བསྒྱུར་རྩོམ་ནི《བསྟན་འགྱུར་》ལས《རྡོ་རྗེ་ཕག་མོ་མདོར་བསྡུས་པའི་བསྟོད་པ་》དང་། 《དཔལ་གསང་བ་འདུས་པ་རྡོགས་སླ་ཞིང་མདོར་བསྡུས་པ་འཇམ་པའི་རྡོ་རྗེའི་སྒྲུབ་ཐབས་》། 《འདུས་པའི་དབང་བསྐུར་བ་མདོར་བསྡུས་པ་》། 《རྡོ་རྗེ་སེམས་དཔའི་སྒྲུབ་ཐབས་》རྐང་པ་དང་བཅས་པའི་བརྒྱ་ཕྲག་གཉིས་པ། 《ཁྲོ་བོ་གཏུམ་པོ་ཆེན་པོའི་སྒྲུབ་ཐབས་》བཅས་བཞུགས་སོ། །