ཀོ་ལོང་བསྡོམ་པའི་ལྷ་དགུ་

སྨེ་བ་དགུ་སྟེ་ཕག་མགོ་གཅིག་པས་རྒྱལ་པོར་ཀོ་ལོང་བསྡོམ། སྦྲུལ་མགོ་གཉིས་པས་རབས་ཆད་ལ་ཀོ་ལོང་བསྡོམ། འབྲུག་མགོ་གསུམ་པས་བོན་པོར་ཀོ་ལོང་བསྡོམ། ། གླང་མགོ་བཞི་པས་སྔགས་པར་ཀོ་ལོང་བསྡོམ། ཉ་མགོ་ལྔ་པས་བན་ངྷེར་ཀོ་ལོང་བསྡོམ། སྦལ་མགོ་དྲུག་པས་བྱིས་པར་ཀོ་ལོང་བསྡོམ། ཆུ་སྲིན་མགོ་བདུན་པས་བུད་མེད་ལ་ཀོ་ལོང་བསྡོམ། ཤ་མགོ་བརྒྱད་པས་སྨོན་པར་ཀོ་ལོང་བསྡོམ། བྱ་རོག་མགོ་དགུ་པས་ནོར་ལ་ཀོ་ལོང་བསྡོམ་ཞེས་པ་ལྟར་རོ།
༼དུང་དཀར་ཚིག་མཛོད་ཆེན་མོ་༽ནས་བཏུས།