ཀོ་ཁྱིམ་པ་ཡེ་ཤེས་བླ་མ་

(ཀོ་ཁྱིམ་པ་ཆེན་པོ)འཛིམས་པ་ཤེས་རབ་འོད་ཟེར་ཞེས་དུས་རབས་བཅུ་གཉིས་པའི་འགོ་ཙམ་དུ་བྱུང་བའི་འདུལ་འཛིན་མཁས་པ་ཞིག་ཡོད་པ་དེའི་སློབ་མ་འདུལ་བ་ལ་མཁས་པའི་བུ་ཆེན་བཞི་བྱུང་བའི་ནང་། དབུས་ཀྱི་བུ་ཆེན་ནི་ཀོ་ཁྱིམ་པ་ཡེ་ཤེས་བླ་མ་ཡིན། གདུང་རུས་ནི་འབྲོ་དང་འཁྲུངས་ཡུལ་སེང་དཀར་སྟོད་པ། མཚན་ལ་ཡེ་ཤེས་བླ་མ་ཟེར། ཁོང་གིས་འདམ་གཞུང་དུ་ཀོ་ཁྱིམ་དགོན་པ་ཕྱག་བཏབ་ནས་དེར་བཞུགས་པས་ཀོ་ཁྱིམ་པ་ཡེ་ཤེས་བླ་མ་ཟེར།
༼དུང་དཀར་ཚིག་མཛོད་ཆེན་མོ་༽ནས་བཏུས།