Help talk:Contents

From Wikipedia

ཁྱེད་ཀྱི་འདི་རུ་མཚེར་ས་གསར་བ་ཞིག་བཟུང་བ་དགའ་སྟོན་འབྲེལ་ཞུ འདི་རུ་མ་འོངས་བར་བོད་ཡིག་ལ་དབང་བའི་འཇིག་རྟེན་ཆེན་པོ་ཞིག་ཡོད་པའི་སྨོན་འདུན་ཞུ། ང་ཡང་དེ་བཞིན་ཡིན

[རྩོམ་སྒྲིག] ངའི་མི་ཚིའི་འཕོ་འགྱུར།

གུས་པ་ནི་ཕྱི་ལོ་༡༩༨༡་ཟླ་༣་ཚེས་༢༤་༼སྐྱེས་ཚེས་ངོ་མ་༡༩༧༤ལོ༽ཉིན་རྒྱ་གར་ལྷོ་ཕྱོགས་མོན་གྷོ་༼ཁམས་དཀར་མཛེས༽ལ་སྐྱེས་ཤིང་། ངའི་སྐྱེས་ལོ་དང་སྐྱེས་ཡུལ་ནི་ང་སྐྱབས་བཅོལ་ལག་དེབ་བཟོས་པ་དང་མཉམ་དུ་བཟོས་པ་ཡིན་པས་ཁྲིམས་ཐོག་ནས་ང་དངོས་ཡོད་ལས་ལོ་ཤས་ཆུང་དུ་ཕྱིན་ཡོད་པ་མ་ཟད། ངའི་ཕ་མ་གཉིས་རྒྱ་གར་དུ་གཏན་ནས་སླེབས་ཐུབ་མེད་ཀྱང་། ང་ཚོ་ལ་རང་དབང་གི་ལུང་པ་ཞིག་མེད་སྟབས་ང་ས་འདིར་སྐྱེས་རྫུན་བཏབ་དགོས་བྱུང་། ཕྱི་ལོ་ ༢༠༠༨ ཟླ ༨ ཚེས ༨ ཉིན་མོ་ནི་རྒྱ་ནག་པེ་ཅིང་ཏུ་ཨོ་རྩལ་འགྲན་ཚོགས་འགོ་འཛུགས་པའི་ཉིན་མོ་དེ་རེད། ཉིན་དེར་འཛམ་གླིང་འདིའི་སྟེང་དུ་གསར་འགྱུར་ཆེ་ཆུང་སྣ་ཚོགས་ཤིག་བརྙན་འཕྲིན། རླུང་འཕྲིན། དྲ་རྒྱ། ཚགས་ཤོག་སོགས་ཀྱི་གསར་འགོད་པ་ཕལ་ཆེ་བས་ཨོ་རྩལ་འགྲན་ཚོགས་ཀྱི་སྐོར་རྒྱང་སྲིངས་དང་རྩོམ་སྒྲིག་གི་ལས་ལ་བྲེལ་བཞིན་ཡོད་ངེས་རེད། དེ་བཞིན་ཨོ་རྩལ་དང་འབྲེལ་བ་གཏན་ནས་མེད་པའི་གནས་ཚུལ་མང་པོ་ཞིག་བྱུང་ཡོད་པ་གདན་མི་ཟ། གོང་གསལ་ནི་ཉིན་འདིར་བྱུང་བ་སྤྱི་ཙམ་ཞིག་རེད། དེ་རིང་ངས་འདིར་ང་རང་སྒེར་གྱི་མི་ཚེའི་འགྱུར་བ་ཆེན་པོ་ཞིག་ཉིན་འདི་ལ་བྱུང་བ་དེ་སྐོར་ཞིག་ཞིབ་པར་འབྲི་འདོད་སྐྱེས། དེ་ཡང་ཉིན་འདིའི་སྔོན་ཙམ་ལ་ངས་ཁོ་མོར་ཁ་པར་ཐོག་ནས་འདིར་འཛམ་དུས་བྱས་པ་བཞིན་ཉིན་དེར་མོ་ཡང་ཏག་ཏག་སླེབས་བྱུང་། མོའི་ཕ་མ་གཉིས་ལ་འགྲོ་དོན་ཕར་བཤད་མ་དགོས་པར་ཕ་མས་ཚུར་ལས་ཀ་ཆུང་ཙག་ཞིག་གི་ཆེད་དུ་གྲོང་རྡལ་དེར་མངགས་འདུག སྟབས་མ་ལེགས་པར་ནམ་རྒྱུན་གྱི་ཞག་སྡོད་བྱེད་སའི་མགྲོན་ཁང་མ་ལུས་པར་ཁེངས་འདུག དེ་ནི་སྐབས་དེར་གྲོང་རྡལ་དེར་ཚོགས་འདུལ་ཆེན་པོ་ཞིག་གི་སྐབས་དང་ཁེལ་བ་མ་ཟད། ཁང་མིག་ཁ་ཤས་ཡོད་པ་དེ་ཚོ་ཡང་མི་ཚོས་སྔོན་ནས་གླས་ཚར་འདུག ཡར་མར་རྒྱུགས་ནས་མགྲོན་ཁང་ཚང་མ་གཤེར་ཡང་སྡོད་ཁང་ཞིག་མ་རག དུས་ཚོད་ནི་བཅུ་གཉིས་ཟིན་ལ་ཉེར།