རྒྱལ་དབང་ཐུབ་བསྟན་རྒྱ་མཚོ།

ཡོང་ཁུངས་Wikipedia

མི་ཚེ།[རྩོམ་སྒྲིག]

ཏཱ་ལའི་བླ་མ་སྐུ་ཕྲེང་བཅུ་གསུམ་པ་ཐུབ་བསྟན་རྒྱ་མཚོ་མཆོག་ནི་ཏཱ་ལའི་ བླ་མ་སྐུ་ཕྲེང་རིམ་བྱོན་གྱི་ནང་ནས་ཆོས་སྲིད་རིག་གནས་གང་ཅིའི་ཐད་ ལ་གཞན་འགྲན་མ་མཆིས་པའི་མཁས་པ་ཞིག་ཡིན། ཁོང་རབ་བྱུང་བཅོ་ ལྔ་པའི་མེ་བྱི་༡༨༧༦ལོར་དྭགས་པོ་གླང་མདུན་དུ་ཡབ་ཀུན་དགའ་རིན་ ཆེན་དང་། ཡུམ་བློ་བཟང་སྒྲོལ་མ་གཉིས་ཀྱི་སྲས་སུ་སྐུ་འཁྲུངས། རབ་ བྱུང་བཅུ་དྲུག་པའི་ཆུ་བྱ༡༩༣༣ལོར་སྐུ་གཤེགས། དགུང་ལོ་ང་བརྒྱད་བཞུགས། སྐུ་འཁྲུངས་པའི་ལོ་དེར་ཏཱ་ལའི་བླ་མའི་ཡང་སྲིད་འཁྲུལ་མེད་ཡིན་པར་ངོས་འཛིན། དགུང་ལོ་བཞི་ཕེབས་པ་ས་ཡོས་ལོར་དྭགས་པོ་ནས་ལྷ་སར་གདན་དྲངས། གུང་ཐང་གཙུག་ལག་ཁང་དུ་པཎ་ཆེན་རིན་པོ་ཆེ་དང་མཇལ་ཕྲད་གནང་ ཐོག་རབ་བྱུང་དང་དགེ་ཚུལ་གྱི་སྡོམ་པ་བཞེས་ཏེ་མཚན་ལ་ངག་དབང་བློ་ བཟང་ཐུབ་བསྟན་རྒྱ་མཚོ་འཇིགས་བྲལ་དབང་ཕྱུག་ཕྱོགས་ལས་རྣམ་པར་ རྒྱལ་བའི་སྡེ་ཞེས་གསོལ། དགུང་ལོ་ཉི་ཤུར་ཕེབས་པ་ཤིང་ལུག༡༨༩༥ལོར་ ཡོངས་འཛིན་ཕུར་ལྕོག་རིན་པོ་ཆེ་བྱམས་པ་རྒྱ་མཚོའི་དྲུང་ནས་དགེ་སློང་ གི་སྡོམ་པ་བཞེས། དགུང་ལོ་ཉེར་བཞིར་ཕེབས་པ་ས་ཕག་༡༨༩༩ལོར་དགེ་ བཤེས་ལྷ་རམས་པའི་གྲྭ་སྐོར་མཚན་བཞེས་གནང་ཞིང་། དགེ་ལུགས། རྙིང་མ་ བཅས་ཀྱི་ཆོས་སྐོར་རྒྱ་ཆེར་གསན། སྐུ་ཚེ་གང་བོའི་མཛད་པ་གཙོ་གྲས་རྣམས་ ཕྱོགས་བསྡུས་བྱས་ན་གཉིས་ཏེ། གཅིག སྲིད་དབང་བཞེས་པའི་རྗེས་ནས་ དབྱིན་འགོག་དམག་འཁྲུག་གི་བར། རབ་བྱུང་བཅོ་ལྔ་བའི་ཤིང་ལུག་ ༡༨༩༥ལོར་སྲིད་དབང་ཕྱག་ཏུ་བཞེས། ཁོང་གིས་སྲིད་དབང་སྐྱོང་བའི་དུས་སྐབས་དེ་ནི་དབྱིན་ཇི་བཙན་རྒྱལ་རིང་ ལུགས་པས་བོད་ས་གནས་དུ་བཙན་འཛུལ་བྱས་ཏེ་དམག་དོན་གྱི་འཇིགས་ སྐུལ་འོག་དྲང་བདེན་མིན་པའི་ཆིངས་ཡིག་སྔ་རྗེས་སུ་འཇོག་དགོས་པ་སོགས་ མེས་རྒྱལ་ནང་ཁུལ་དང་འཛམ་གླིང་ཐོག་གནས་ཚུལ་རྙོག་འཛིང་དང་དཀའ་ ངལ་ཧ་ཅང་ཆེ་བའི་དུས་ཤིག་ཡིན། རབ་བྱུང་བཅོ་ལྔ་བའི་ཤིང་འབྲུག༡༩༠༤ལོའི་བོད་ཟླ་དྲུག་པའི་ཟླ་དཀྱིལ་དུ་ དཀའ་ངལ་མ་འཛེམས་པ་ལྷ་ས་ནས་་བྱང་ལམ་བརྒྱུད་དེ་ཐོག་མ་ཕྱི་སོག་ཏུ་ཕེབས། དེ་ནས་སྒོ་མང་སྤི་ཏི་སྤྲུལ་སྐུ་དང་། ཁལ་ཁ་རྗེ་བཙུན་དམ་པའི་གསོལ་དཔོན་ བཅས་རང་ཉིད་ཀྱི་སྐུ་ཚབ་ཏུ་པེ་ཅིན་དུ་མངགས་རྫོངས་བྱས་ཐོག


ཟིན་ཐོ་འམ་དཔྱད་གཞི།[རྩོམ་སྒྲིག]

དཔྱད་གཞིའི་དཀར་ཆག།[རྩོམ་སྒྲིག]

ད་དུང་གཟིགས།[རྩོམ་སྒྲིག]

ཕྱི་ཕྱོགས་དྲ་མཐུད།[རྩོམ་སྒྲིག]

རྒྱལ་བ་རྣམས་
དགེ་འདུན་གྲུབ། དགེ་འདུན་རྒྱ་མཚོ། བསོད་ནམས་རྒྱ་མཚོ། ཡོན་ཏན་རྒྱ་མཚོ། ངག་དབང་བློ་བཟང་རྒྱ་མཚོ། ཚངས་དབྱངས་རྒྱ་མཚོ། བསྐལ་བཟང་རྒྱ་མཚོ། འཇམ་དཔལ་རྒྱ་མཚོ། ལུང་རྟོགས་རྒྱ་མཚོ། ཚུལ་ཁྲིམས་རྒྱ་མཚོ། མཁས་གྲུབ་རྒྱ་མཚོ། འཕྲིན་ལས་རྒྱ་མཚོ། ཐུབ་བསྟན་རྒྱ་མཚོ། བསྟན་འཛིན་རྒྱ་མཚོ།