རྒྱ་གླིང་།
རྒྱ་གླིང་ནི་རོལ་ཆའི་རིགས་གཅིག་རེད།
ལོ་རྒྱུས།[རྩོམ་སྒྲིག]
ཨ་ལ་ལ་ཧོ། ༡༽རྒྱ་ཡོད་ཚད་བོད་ཀྱི་ཚིག་མཛོད་ལས་འདོར་དགོས་ན། རྒྱ་མཚོ། རྒྱ་མ། རྒྱ་རྡོ། རྒྱ་ཚད། རྒྱ་སེར། རྒྱ་གར། རྒྱ་ནག རྒྱལ་བ་རིན་པོ་ཆེ་སྐུ་ཕྲེང་དང་པོ་མིན་ཚད་གྱི་མཚན་ལ་ཡང་བཟོ་བཅོས་མི་དགོས་སམ། ༢༽རྒྱ་ཞེས་པའི་དོན་མང་ཆེ་བར་རྒྱ་ཚད་ལ་འཇུག་པའི་དབང་དུ་བྱས་ན། རྒྱ་གླིང་ཡང་བཟོ་དབྱིབས་འབུད་ཚུལ། བཀོད་པ་སོགས་ཚད་ལྡན་གྱི་གླིང་བུར་ངོས་འཛིན་བྱར་མི་རུང་པ་ཅི་ཡོད། རྒྱ་གླིང་གཏོང་བ་ལ་དབུགས་ཀྱི་དམ་ལྷོད། མཛུབ་མོའི་དལ་བུལ། ཆ་ཚད། བཟོ་དབྱིབས་སོགས་རོལ་མོའི་རིགས་གཞན་ལས་ཚད་ལྡན་མེད་ན་སྒྲ་ཡག་པོ་མི་ཡོང་པ་ནི་འབུད་ཤེས་མཁན་ཀུན་ལ་རྒྱུས་ཡོད། ད་ལྟའི་རྒྱ་གླིང་གི་བཟོ་དབྱིབས་གཅིག་པ་ཞིག་རྒྱ་ནག་ལོ་རྒྱུས་ནང་དུ་བཙལ་ཀྱང་མི་རྙེད། འབུད་ཚུལ་ཀྱང་ཨ་མདོའི་ཕྱོགས་ཀྱི་དགེ་ལུགས་པའི་དགོན་པ་ཁ་ཤས་རྒྱ་ནག་དང་མཚུངས་པ་ལས། དབུས་ཀྱི་དགོན་སྡེ་མང་ཆེ་བ་རྒྱ་ནག་དང་གཏན་ནས་མི་འདྲ། རྙིང་མ་པ་ལ་མཚོན་ན། རྡོ་སྨིན་ཀཿ་དཔལ་གྱི་ལུགས་སྲོལ་ཆེན་པོ་བཞི་འདུག རིག་འཛིན་དགྱེས་རོལ། མཚོ་རྒྱལ་གདུང་དབྱངས། ལྷ་རྒྱལ་རིགས་གསུམ། རལ་གྲིའི་འཁྲུལ་འཁོར་སོགས་རྙིང་མ་སྤྱི་ལ་འགྲོ་བ་དང་། སྨིན་གླིང་རྩ་འབུད། དམ་པའི་ཚངས་དབྱངས། གནམ་ཆོས་དག་སྣང་སོགས་སྒེར་ཆོས་སུ་གྱུར་པ་ཅི་རིགས་ཡོད། རྒྱ་ནག་རང་གིས་བསྒྲིགས་པའི་ཀྲུང་གོའི་རོལ་ཆའི་ངོ་སྤྲོད་དུའང་བོད་གྱི་གླིང་བུ་ཞེས་བྲིས་འདུག འཛམ་གླིང་གི་མི་སུ་ལ་བསྟན་ཀྱང་བོད་ཀྱི་བླ་མའི་རོལ་ཆ་ཡིན་པ་ལས་རྒྱ་ནག་གི་རེད་མི་གསུང་ཐག་ཆོད་རེད། ༣ ༽སངས་རྒྱས་ཆོས་གཞུང་མདོ་སྔགས་ཀུན་ལ་ཡོངས་སུ་གྲགས། མྱ་ངན་ལས་འདས་པའི་མདོ་ལས། རོལ་མོ་རྣམ་པ་སྣ་ཚོགས་ཀྱི་སྒྲ་གྲགས་པ་ནི་འདི་ལྟ་སྟེ། གླུ་དང་། གར་དང་། གླིང་བུ་དང་། དགུ་པོ་རྒྱུད་མང་དང་། སེའུ་དང ། ཤིར་དང་། རྔའི་སྒྲ་རྣམས་སོ། ཞེས་དང་། སངས་རྒྱས་ཕལ་པོ་ཆེ་ལས། རོལ་མོ་བརྒྱ་སྟོང་མང་པོ་ལྷ་རྫས་ཀྱི་དབྱངས་ཡིད་དུ་འོང་པ་སྙན་པ་དང་ལྡན་པ་དག་ནི་རབ་ཏུ་བླངས། མེ་ཏོག་གི་ཆར་ཆེན་པོ་ནི་མངོན་པར་འབབ། ཅེས་པ་སོགས་རོལ་མོའི་རིགས་བྱེད་གྲངས་མེད་པ་གསུང་པ་རེ་རེ་ནས་འདྲེན་ཨེ་ཐུབ། སྔགས་ཀྱི་རྒྱུད་སྡེ་རྣམས་ལ་ནི་ཡོངས་སུ་གྲགས་པ་ཞིག་ཡིན། དཔེར་ན། རྡོ་རྗེ་གདན་བཞི་ལས། གླིང་བུའི་ཚུལ་དུ་འབུད་པ་དང་། ཞེས་དང་། སྒྱུ་མ་བདེ་མཆོག་ལས། གླིང་བུ་དང་ནི་པི་ཝང་ཀུན། །ཞེས་པ་བརྒྱུད་ལྡན་བླ་མ་རྣམས་ཀྱི་ཕྱག་སྲོལ་དུ་བྱུང་བའི་རྒྱ་གླིང་འདི་ལས་གཞན་དག་འབུད་པའི་སྲོལ་མེད་པ་ནི་ཆོས་གྲྭ་ལ་བཞུགས་མཁན་ཀུན་གྱིས་དགོངས་ངེས་པའོ། །བ་རི་ལོ་ཙཱ་བའི་གུར་གྱི་བེ་བུམ་དུའང་། གླིང་བུ་དང་། ཟངས་གླིང་། མི་རྐང་གླིང་བུ་སོགས་ཀྱི་གསལ་མཆན་བཀོད་ཅིང་སྐབས་ཐ་དད་དུ་འབུལ་ཚུལ་བཤད་པའང་ཡོད། ནག་པོ་ཆེན་པོའི་རྒྱུད་དང་། ཁྲག་འཐུང་མངོན་བྱུང་གི་སོགས་ལྷ་ཁྲོ་བོ་དང་སྲུང་མ་དང་འབྲེལ་ཡོད་ཀྱི་རྒྱུད་སྡེ་དག་ན་གླིང་བུ་ཞེས་གསལ་ཀ་ཡོད་པར་མ་ཟད་རྣམ་གྲངས་ཀྱང་མང་པོ་ཡོད་པ་ཏུགས་ལ་ངེས་པར་ཞུ། །མདོར་ན་བརྒྱུད་ལྡན་བླ་མ་གོང་མ་དག་གིས་རོལ་ཟིན་ཀུན་ལ་མཆོད་བྱེ་བྲག་གླིང་བུ་ཞེས་བཀོད་པ་རྒྱ་གླིང་འདི་ཉིད་ཡིན་ཚུལ་ལོ་རྒྱུས་ཁུངས་ལྡན་ནོ། །དྲི་མེད་པས།
པར་རིས་བར་འཁྱམས།[རྩོམ་སྒྲིག]
ཟིན་ཐོ་འམ་དཔྱད་གཞི།[རྩོམ་སྒྲིག]
དཔྱད་གཞིའི་དཀར་ཆག།[རྩོམ་སྒྲིག]
ད་དུང་གཟིགས།[རྩོམ་སྒྲིག]
ཕྱི་ཕྱོགས་དྲ་མཐུད།[རྩོམ་སྒྲིག]
|
རྩོམ་ཡིག་འདི་ཆ་མི་ཚང་བས་རྩོམ་ཡིག་འདི་ཆ་ཚང་བོར་བཟོས་ནས་ཝེ་ཁེ་རིག་མཛོད་གོང་འཕེལ་གཏོང་རོགས། རྩོམ་སྒྲིག། |