རིན་ཆེན་མང་སྦྱོར་ཆེན་མོ་

ཡོང་ཁུངས་Wikipedia

བོད་སྨན་གྱི་རིགས་ཤིག་ཡིན་ཞིང་སྨན་དེས་ཁ་ཟས་མི་འཕྲོད་པ་དང་མ་གོམས་པ་ཟོས་པ་ལས་བྱུང་བའི་གྱུར་དུག་རྐྱེན་གྱིས་ཕོ་བ་ དང་རྒྱུ་མར་ན་ཟུག་གཏོང་བ་དང་། གླང་ཐབས་ན་བ། སྨུག་པོ་གྱེན་དུ་བརྡོལ་ཏེ་ཁྲག་སྐྱུགས་པ། ཐུར་དུ་བརྡོལ་བས་ཁྲག་བཤལ་བ། རིམས་ཚད། རྙིང་ཚད། གབ་ཚད། ཁ་ཚ་རུལ་སུངས་སོགས་ཁ་ཟས་ཟ་ཐལ་ཆེ་བས་རྩ་སྦུག་འགགས་པ། ངན་ཁྲག་གིས་ལུས་ཀྱི་ཤ་སྐམ་པ་དང་། ཤ་མདོག་ནག་པ། དབང་པོ་མི་གསལ་བ། བྲང་ཚ་ཆུ་སྐྱུར་སྐྱུགས་པ། དང་ག་འགགས་པ། རྒྱུན་དུ་གློ་མང་དུད་ཁུ་ཁྲག་རུལ་ལུ་བ། ཆུ་གཞིའི་ནད་ཡོད་པ། ཁྱད་པར་དུ་བསམ་ངན་གྱི་སྦྱོར་བ་ལས་བྱུང་བའི་སྦྱར་དུག དངོས་དུག་སོགས་དུག་རིགས་ཐམས་ཅད་ལ་མཆོག་ཏུ་ཟབ་པ་མ་ཟད། བསིལ་དྲོད་སྙོམས་པས་ཁོག་ནད་ཀྱི་རིགས་ཕལ་ཆེར་ལ་ཕན་པ་ཤིན་ཏུ་ཆེ་བ་ཡིན། ནད་མེད་རྣམས་ཀྱིས་བསྟེན་ན་ལུས་མདངས་རྒྱས་ཤིང། དབང་པོ་གསལ་བ། རྒས་ཀ་སྲ་བ། རོ་ཙ་འཕེལ་བ། རྩ་དང་རུས་པ་མཁྲེགས་པ། ནད་གཞི་སྔོན་འགོག་ཐུབ་པ་སོགས་མདོར་ན་རིན་ཆེན་གྲང་སྦྱོར་ཆེན་མོ་ཉིད་དང་ཁྱད་མེད་ཀྱི་ཕན་ནུས་ལྡན་ནོ།།