མདོ་མཁར་ཞབས་དྲུང་ཚེ་རིང་དབང་རྒྱལ་

ངོ་སྤྲོད་མདོར་བསྡུས།

མདོ་མཁར་བ་ཞབས་དྲུང་ཚེ་རིང་དབང་རྒྱལ་ལགས་ནི། རབ་བྱུང་བཅུ་གཉིས་པའི་མེ་གླང་སྤྱི་ལོ༡༦༩༧ལོར་ཡབ་ངག་དབང་ཚངས་པ་དང་། ཡུམ་མདང་དྲུང་གཉིས་ཀྱི་བུར་བྱང་སྟག་ལུང་དུ་འཁྲུངས། དགུང་ལོ་རེ་བདུན་པ་ཆུ་ལུག་(སྤྱི་ལོ༡༧༦༣)ལོར་འདས། ཁོང་ནི་བོད་ཀྱི་རྩོམ་པོ་མཁས་ཅན་ཞིག་ཡིན་པ་མ་ཟད་ཕུལ་བྱུང་གི་གཞུང་ལས་མི་སྣ་ཞིག་ཀྱང་རེད།

ལོ་རྒྱུས།

དགུང་ལོ་དྲུག་པ་ནས་བཅུ་བཞིའི་བར་ཡི་གེ་འབྲི་ཀློག་དང་རྩིས་སོགས་སྦྱངས། ལོ་བཅོ་ལྔ་ལྕགས་ཡོས་(སྤྱི་ལོ༡༧༡༡)ལོར་སྨིན་གྲོལ་དུ་ཕེབས་ནས་ལོ་ཙཱ་བ་དྷརྨ་ཤྲིའི་དྲུང་དུ་ཡིག་རིགས་སྣ་ཚོགས་དང་། སྙན་ངག རྩིས། དབྱངས་ཅན་སྒྲ་མདོ། སྡེབ་སྦྱོར་བཅས་ལ་སྦྱངས་ནས་ཀུན་བཤད་ཀྱི་མཚན་ཚངས་སྲས་དགྱེས་པའི་བློ་ལྡན་ཞེས་གསོལ། དགུང་ལོ་ཉི་ཤུ་པར་གཞིས་ཀ་རྩེའི་རྫོང་དཔོན་གྱི་འགན་བཞེས། དགུང་ལོ་ཉེར་གཅིག་པར་ལྕགས་གྲི་གུ་རྫོང་གི་རྫོང་དཔོན་མཛད།དགུང་ལོ་ཉེར་བཞི་བར་གོང་དཀར་རྫོང་གི་རྫོང་དཔོན་མཛད་པ་དང་། ཁྱོན་བསྡོམས་ལོ་སོ་བཞིའི་རིང་བཀའ་བློན་གྱི་ལས་འགན་བཞེས།

བརྩམས་ཆོས།

ཁོང་གི་གསུང་རྩོམ་ལ་《གཞོན་ནུ་ཟླ་མེད་ཀྱི་གཏམ་རྒྱུད》དང་《མི་དབང་རྟོགས་བརྗོད》《བཀའ་བློན་རྟོགས་བརྗོད》《སངས་རྒྱས་ཀྱི་སྐྱེས་རབས་སྐད་གཉིས་ཤན་སྦྱར》སོགས་ཡོད།