ཀླད་ཀོར་

ཡོང་ཁུངས་Wikipedia

ཀླད་ཀོར་ 1.གྲངས་གནས་ཀྱི་མགོ་རྩོམ་སའི་ཀླད་ཀོར་ཏེ་རྟགས་༠་འདིའི་མིང་། 2.ལྷ་མོ་འཁྲབ་དུས་རྔོན་པའི་འབག་གི་ཐོད་ཀྱི་གོང་བ། 3.ཡི་གེའི་ཀླད་ཀྱི་ཐིག་ཀོར་ཏེ་ལེགས་སྦྱར་གྱི་ཡི་གེའི་ཀླད་དུ་བྲིས་པའི་དབྱིབས་སྒོར་སྒོར་གྱི་རྟགས་ལ་ཟེར། དེ་གསལ་བྱེད་དག་ལ་ཞུགས་པའི་ང་རོ་འདོན་ཚུལ་ནི། ཀ་ནས་ང་བར་གྱི་གསལ་བྱེད་ལྔའི་ཀླད་ཀོར་ལ་ང་སྒྲ་དང༌། ཙ་ནས་ཉ་བར་གྱི་ཀླད་ཀོར་ལ་ཉ་སྒྲ། ཊ་ནས་ཎ་བར་གྱི་ཀླད་ཀོར་ལ་ཎ་སྒྲ། ཏ་ནས་ན་བར་གྱི་ཀླད་ཀོར་ལ་ན་སྒྲ། བ་ནས་མ་བར་གྱི་ཀླད་ཀོར་ལ་མ་སྒྲ། ཡ་ནས་ཀྵ་བར་གྱི་གསལ་བྱེད་དགུའི་ཀླད་ཀོར་ལ་ང་སྒྲ། ཧཱུའི་ཀླད་ཀོར་ལ་ང་སྒྲ། ཨའི་ཀླད་ཀོར་ལ་ང་སྒྲ། ཨོ་ཡིག་གི་ཀླད་ཀོར་ལ་མ་སྒྲ་བཅས་སོ་སོའི་འཇུག་ཚུལ་ལ་ལྟོས་ནས་སྒྲ་འདོན་ཚུལ་མི་འདྲ།